monumenta.ch > Hugutio Pisanus > sectio 2 > sectio 194 > sectio 347 > sectio 60 > sectio 86 > sectio 92 > 7 > sectio 20 > sectio 2 > sectio 1 > sectio 23 > sectio 269 > sectio 20 > 5 > sectio 13 > sectio 58 > sectio 66 > sectio 215 > sectio 105 > sectio 17 > sectio 19 > sectio 39 > sectio 30 > sectio 33 > sectio 1

Word Selection for Searching

Report an Error in this Sectio
Hieronymus, Prologi, Tobias, 1
Cromatio et Heliodoro episcopis Hieronymus in Domino salutem. Mirari non desino exactionis vestrae instantiam. Exigitis enim, ut librum chaldeo sermone conscriptum ad latinum stilum traham, librum utique Tobiae, quem Hebraei de catalogo divinarum Scripturarum secantes, his quae Agiografa memorant manciparunt. Feci satis desiderio vestro, non tamen meo studio. Arguunt enim nos Hebraeorum studia et inputant nobis, contra suum canonem latinis auribus ista transferre. Sed melius esse iudicans Pharisaeorum displicere iudicio et episcoporum iussionibus deservire, institi ut potui, et quia vicina est Chaldeorum lingua sermoni hebraico, utriusque linguae peritissimum loquacem repperiens, unius diei laborem arripui et quicquid ille mihi hebraicis verbis expressit, haec ego accito notario, sermonibus latinis exposui.